لو عايز تشتغل ومترتبطش بمواعيد او انت بتشتغل وعايز شغل اضافى هعرفك تعمل ده ازاى خليك معايا
العمل الحر .. ايه هو ؟
شغل انت بتعمله لحساب نفسك فى الوقت والمكان اللى انت عايزه خدمه بتقدمها لطرف تاني مقابل اجر مادى يعني بتحب حاجه معينه وعايز تشتغلها تقدر تعملها دلوقتي من اى مكان وتقبض اجرك فى نفس الوقت اللى بتسلم فيه الخدمه
مميزاته ؟
1 - بتشتغل الحاجه اللى انت بتحبها
2 - تقدر تشتغل من اى مكان
3 - عائد مادى كبير
4 - بتتعامل مع ناس كتير من جميع المحافظات
طب انا هشتغل ايه ؟
فى حاجات كتير المهم تشتغل فى اللى انت هتبقى مميز فيه
زى :
1- مجال التصميم (لوجوهات - كروت شخصيه - مواقع - صور - فوتوشوب - شخصيات كرتونيه -
ممكن تعلم التصميم )
2- الكتابة والترجمة ( كتابه مقالات - cv - كتابه سيره - ترجمه )
3 - اعلانات
4 - الفيديوهات والصوتيات ( ثرى دى - رسوم متحركه - تحويل فيديوهات - موثرات صوتيه - تعليق )
5 - البرمجة ( برمجه مواقع - برمجه تطبيقات - تطبيقات ديسكتوب )
6 - التسويق الالكتروني
7 - الاستشارات فى اى مجال
فى حاجات كتير تانيه على حسب الموقع اللى هتكون فيه
بشتغل ازاى ؟
انت بتدخل تسجل على الموقع اللى انت حابب تسجل فيه وبتعمل اكونت او بروفايل خاص بيك بتكتب فيه الخدمة اللى هتقدمها سواء مبرمج او مترجم او هتشتغل فى التسويق اى كان يعنى نظام cv معلومات عنك بيبدأ الناس تدخل عندك وتشوف لو حابب حاجه من اللى انت بتعملها ممكن يبعتلك طلب الخدمه اللى بتقدمها دى بتتفق معاه على معاد هتسلمه فيه الخدمه وهتسلمه ازاى بعد ما تسلمه بيتحولك فى حسابك الفلوس طبعا الموقع هو اللى بيضمن الحاجه دى محدش يقلق قبل ما العميل ما يبعتلك على الخدمه بيكون فى رصيده فى الموقع المقابل المادى للخدمه اللى بتقدمها والله قدمتها فى المعاد وكله تمام بتاخد فلوسك ويكتبلك تعليق جميل كده عنك ودى حاجه كويسه عشان لو عميل تاني شافها هيثق فيك وفى شغلك وفى مواقع بيكون فيها العميل بيكتب انا عايز كذا فانت بتقدم نفسك ليه وتقوله انا اقدر اعمل الحاجه اللى انت عايزها لو وافق بتتفق معاه نفس الكلام ويتم العمليه
طب ايه هى المواقع ؟
نبدا بالمواقع العربيه
موقع نبش : www.nabbesh.com
مستقل : mostaql.com
خمسات :khamsat.com
ده موقع شبيه لموقع اجنبى
www.freelanceme.net
المواقع الاجنبية :
اب وورك : www.upwork.com
فري لانسر: www.freelancer.com
فيفر : www.fiverr.com
جورو : www.guru.com
ان شاء الله نتكلم على كل موقع لوحده فى المواضيع الجايه